Tu âs cirût la peraule
bilengâl monolengâl
Tu âs cirût la peraule
chiave di volta
torne indaûr

bilengâl

chiave di volta
  • 1

    loc.s.f. sieraie Copie

    [CO], [TS] arch. (piere o coni che a tegnin il pont plui alt di un arc o di un volt)
    spesso le chiavi di volta di questi archi sono decorati a rilievo = dispès lis sieraiis di chescj arcs a son decoradis a rilêf
  • 2

    loc.s.f. clâf, pont Copie

    [CO] (element di ecuilibri di un argoment o di esplicazion decisive di une cuistion)
    questa affermazione è la chiave di volta del discorso = cheste afermazion e je il pont dal discors

monolengâl

pont s.m.
Segn grafic fat di un piçul cercli plen
esemplis
"il pont fer che al siere la frase"
gjavât fûr di "Corpus linguistics" di Vladimir Petkevic
"une rie, un pont, letaris che no son peraulis, peraulis che no son lenghe"
gjavât fûr di "Kebar krossè" di Stiefin Morat
pont s.m.
Cualsisei robe avonde piçule che si puedi viodi
esemplis
"si viôt tal cîl parsore chei trê dincj che e scusse Mont Cjanine un piçul pont neri, e un ucielut imburît come une clapade al ven jù tai prâts di Solescjan"
gjavât fûr di "L'ucielut de Mont Cjanine" di Catarine Percude
pont s.m.
[TS] (gjeom.) Element primitîf cence estension definît dai postulâts
esemplis
"considerìn il pont individuât dai ponta A, B e C"
pont s.m.
[TS] (telecom.) Segn convenzionâl intal alfabet Morse fat di un impuls che al dure pôc
pont s.m.
Lûc, puest determinât
esemplis
"il nestri pont di cunvigne al restave Colorêt"
gjavât fûr di "Trê feminis" di Gianni Gregoricchio
pont s.m.
Lûc esat di un test, di un discors
sinonims
articul, cantin, pas
esemplis
"si scuen dî che Livius, in chest pont [dulà che al fevele de fondazion di Aquilee], al scrîf robis impussibilis o contrastantis"
gjavât fûr di "Cuintristorie dal Friûl fin sot la Italie" di Josef Marchet
pont s.m.
Cuistion specifiche, argoment particolâr
sinonims
argoment, articul, cantin, cantin articul, cuistion, nucli, probleme, element
esemplis
"il Friûl orientâl al à une esperience di vite autonomistiche durade dal 1860 al 1918 che il Friûl Udinês nol à. E su chest pont il Friûl Orientâl al à une sensibilitât che noaltris no podìn trascurâ"
gjavât fûr di "In cercje di democrazie" di Josef Marchet
"la liste si podarès slungjâle, ma chest nol menarès dongje ponts gnûfs pal nestri studi"
gjavât fûr di "Cualchi ipotesi sul furlan di prin di scrivilu" di Zorç Cadorin
"un dai ponts di fonde di ogni tutele linguistiche al jere stât tes nestris convinzions l'insegnament de lenghe intes scuelis"
gjavât fûr di "Memoriis di politiche linguistiche" di Adrian Cescje
pont s.m.
Moment determinât
sinonims
moment
esemplis
"a di un pont si sint a vuicâ i cancars de puarte che e da su la strade"
gjavât fûr di "La ombrene" di Meni Ucel
pont s.m.
Grât determinât
sinonims
grât, nivel
esemplis
"la dificoltât mostre e consist tal cognossi el pont just de bulidure e tal savê ben dosâ la cuantitât dai rîs e dai sesarons"
gjavât fûr di "Viaç a Vignesie" di Arturo Feruglio
pont s.m.
Tonalitât minime di colôr
sinonims
bave, gradazion, ninin, pêl, ponte, spêl, at
esemplis
"e jere une vere sagre di ros, di blanc, di narancin, di blu, di ogni pont di colôr"
gjavât fûr di "Un bosc cence colôrs" di Franca Mainardis
"ogni colôr di fûc al dave tant cjalt; plui fuart o plui morentât. E par une arzile al voleve chel pont e par chê altre ancjemò un altri"
gjavât fûr di "La tiere di Lansing" di Maria Forte
pont s.m.
Situazion li che al è rivât un procès dinamic, une ativitât, un lavôr, une esistence, un fenomen e v.i.
sinonims
fase, situazion, cundizion, nivel, grât
esemplis
"in chest mondat, cun tantis rivoluzions e cun tante democrazie che si predicje, o sin simpri a chel pont: di une bande la siorie e di chê altre la puare int"
gjavât fûr di "Lis predicjis dal muini" di Josef Marchet
"a ce pont jerino i programs di iluminament public a Udin?"
gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
pont s.m.
Trate di fîl che e passe par dôs busutis fatis de gusiele tal cusì, tal mendâ, tal comedâ e v.i.
sinonims
norie, pontât
esemplis
"tirâ la gusiele cent e cent, mil e plui voltis, passe e torne passe, pont daûr pont su chei cotulons di regadin, sui gjachetins di bavele e fîl stuart"
gjavât fûr di "Marum" di Pieri Menis
"marcjanzie par contadins che no fasevin riflès su la lungjece dai ponts, ni come che a jerin metûts sù i tacons"
gjavât fûr di "Il bal spasimât des ombrenis" di Maria Forte
pont s.m.
Ogni unitât convenzionâl doprade par esprimi une valutazion, une cuantificazion e v.i.
esemplis
"dopo la sperimentazion il grât di acuardi al è calât di cuasi un pont"
gjavât fûr di "Une esperience di plurilinguisim inte didatiche de matematiche" di Carlo Cecchini, Matteo Fogale
pont s.m.
Ognidune des unitâts dopradis par esprimi un vantaç in sports, zûcs o sim.
esemplis
"Zuanin al puartà cjartis, zes, e la breute dai ponts"
gjavât fûr di "La aghe da pît la cleve" di Dino Virgili
"Gusto al saveve di vê il capon (la briscule) a la ultime man e cun chel a jerin 59 ponts"
gjavât fûr di "Se ti perdi tuo danno" di Checo Tam
pont s.m.
Unitât in licencis, permès, ativitâts e v.i. che a previodin un massim e un minim
esemplis
"«Âstu pierdût ducj i ponts de patente? »"
gjavât fûr di "Faliscjis" di Cristina Noacco
"o vin fate cuote e vuadagnât 5000 ponts in cheste stagjon di cjace"
gjavât fûr di "Sense" di Checo Tam
pont s.m.
Bolin o sim. dât cun prodots di consum, che, dongje di un ciert numar di altris intune cierte dade di timp, al da dirit a vê premis, sconts, promozions e v.i.
esemplis
"fâ la racuelte dai ponts dal supermarcjât"
pont s.m.
Segn grafic che, ancje in maniere aprossimative, al rapresente un sun di une lenghe
sinonims
letare, segn
esemplis
"sô mari, che no jere buine di lei, la puartà a une comari di li dongje preantle di lei i ponts di chê letare"
gjavât fûr di "Sul agâr" di Pieri Menis
"cumò i ponts de scriture a jerin nûts su la piere sgrifignade"
gjavât fûr di "La aghe da pît la cleve" di Dino Virgili
pont s.m.
[TS] (mar.) Posizion là che e je une nâf intal mâr in rapuart cu la longjitudin e la latitudin
sinonims
posizion
detulis
"cui che al scjampe un pont, ind scjampe mil"
"cui che nol fâs il grop al piert il pont"
"cui che tal fîl nol fâs il grop al piert il pont"
"lis feminis ind san un pont plui dal diaul"
"tirâ il pont tant che si po, ma dâi a ognidun il so"
"trê feminis a puedin dâi un pont al diaul"
torne sù
torne sù